Një sasi lënde eksplozivi I është vendosur një firmë për prodhimin e lëndeve ndërtuese në Durrës.
Ngjarja ka ndodhur rreth orës 03:15 në lagjen nr.14, por fatmirësisht lënda plasëse nuk ka shpërthyer
Ndërkq, Forcat Xheniere kanë realizuar çmontimin e saj.
Njoftimi i policisë:
Më datë 16.08.2021, rreth orës 03:15, persona ende të paidentifikuar, janë futur në një subjekt (firmë për prodhimin e lëndeve ndërtuese) në lagjen nr.14, Durrës, me adminstrator shtetasin M. L., dhe kanë vendosur një sasi të dyshuar lënde eksplozive e cila nuk ka shpërthyer.
Pas sigurimit të vendit të ngjarjes nga shërbimet Policisë, Forcat Xheniere kanë realizuar çmontimin e lëndës shpërthyese.
Është ngitur një grup i posaçëm hetimor i përbërë nga strukturat e Drejtorisë së Përgjithshme të Policisë së Shtetit, strukturat e DVP Durrës dhe nën Drejtimin e Prokurorisë së Rrethit Gjyqësor Durrës, dhe vijon puna për identifikimin dhe kapjen e autorëve.
