“Zjarri po përhapet me shpejtësi në fshatin…” Ministria e Mbrojtjes jep të dhënat më të fundit

Zjarri që ka rënë në fshatin Thirrë në njësinë administrative Fan të Bashkisë së Mirditës ka zgjeruar perimetrin orët e fundit, duke vënë në vështirësi punën e forcave operacionale që po përballen me tymin e krijuar.

Me anë të një njoftimi të shpërndarë për mediat, Ministria e Mbrojtjes bën me dije se situata nuk paraqitet e mirë në vatrën e zjarrit në fshatin Flet, njësia administrative Blerimaj, bashkia F. Arrëz, ku zjarri po përhapet me shpejtësi në drejtim të banesave. Sipas ministrisë, këtu ka filluar ndërhyrja nga ajri me helikopter.

Gjithashtu, vatra zjarri ka edhe midis fshatrave Kacni dhe Qafë Murrë, njësia administrative Selishtë, B.Dibër.

Ndërkohë që mësohet se ka filluar prej mëngjesit ndërhyrja nga ajri për shuarjen e flakëve në malin e Tërbunit, bashkia Pukë, ku gjithashtu po punojnë mbi 150 efektivë të FA.

Situata e zjarreve në vend:

Ka vijuar puna e forcave operacionale për shuarjen e zjarrit në fshatin Patalej, njësia administrative Kolsh, bashkia Lezhë. Situata nuk paraqet rrezik për banesat.

Zjarri në fshatin Thirrë, njësia administrative Fan, bashkia Mirditë ka zgjeruar pak perimetrin. Forcat operacionale po përballen me vështirësi për shkak të tymit të krijuar. Po punohet për izolimin e vatrës së zjarrit.

Në përmirësim është situata në “Majën e Rrunës”, Laku i Mollave dhe Laku i Thive, njësia administrative Malzi, bashkia Kukës, ku ka vijuar puna për shuarjen e vatrave të zjarrit.

Në zonë po operon edhe një helikopter dhe nuk paraqitet rrezik për banesat apo forcat në terren.

Ka filluar prej mëngjesit ndërhyrja nga ajri për shuarjen e flakëve në malin e Tërbunit, bashkia Pukë, ku gjithashtu po punojnë mbi 150 efektivë të FA.

Jo e mirë paraqitet situata në vatrën e zjarrit në fshatin Flet, njësia administrative Blerimaj, bashkia F. Arrëz, pasi zjarri po përhapet me shpejtësi në drejtim të banesave.

Ka filluar ndërhyrja nga ajri me helikopter.

Vatra zjarri ka gjithashtu midis fshatrave Kacni dhe Qafë Murrë, njësia administrative Selishtë, B. Dibër.

Zjarri ka përmirësim në Qafë Murre, pasi ka kaluar në një terren shkëmbor dhe me bimësi të pakët.

Zjarri në fshatin Kacni, njësia administrative Selishtë bashkia Dibër, po zhvillohet me ritëm të shtuar në terren të vështirë, pa rrezik për banesat.

Në këtë zonë zjarri është më i shtuar për shkak të bimësisë dhe drurëve të dendur.

Po punohet nga forcat në terren për ta mbajtur larg zonës së banuar (pjesë e bashkisë Klos).