Thyhen rekordet/ Pas 142 vitesh, korriku përjetohet si muaji më i nxehtë ndonjëherë

Korriku i vitit 2021 ka hyrë në histori si muaji më i nxehtë i regjistruar ndonjëherë.

Lajmin u dha nga Administrata Kombëtare Oqeanike dhe Atmosferike (NOAA) e SHBA.

“Korriku është zakonisht muaji më i ngrohtë në botë i vitit, por korriku i vitit 2021 e tejkaloi veten si korriku dhe muaji më i nxehtë i regjistruar ndonjëherë. Ky rekord i ri shton shqetësimet për ndryshimin e klimës”, konfirmoi NOAA.

Që prej 142 vitesh, ky është rekordi më i lartë i temperaturës.

Temperaturat e kombinuara të sipërfaqes dhe ujit ishin për 0,93 gradë Celcius mbi mesataret e shekullit XX për korrikun, dhe ishte më e nxehta e matur që kur filluan matjet 142 vjet më parë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Temperatura ishte gjithashtu për 0,01 gradë Celcius më e nxehtë se rekordi i mëparshëm i vendosur në korrik 2016.