Flakët rrezikojnë banesa e biznese/ Zjarr i madh te Kepi i Rodonit, pushuesit largohen nga plazhi

Një zjarr i madh ka përfshirë kodrat tek zona e Kepit të Rodonit në Durrës.

Flakët kanë rënë prej disa minutash duke rrezikuar banesat dhe bizneset në zonë.

Në vendngjarje ndodhen tre zjarrfikëse, ndërkohë që momentalisht nuk raportohet për dëme materiale apo njerëz të lënduar.

Flakët po përhapen me shpejtësi, për shkak dhe të erës që favorizon nxitjen e zjarrit.

Gjithë zona turistike është mbuluar nga tymi dhe kjo ka krijuar panik te turistët të cilët kanë marrë mjetet dhe janë larguar.