Politikani serb që propozon ‘Nobel’ për kryeministrin Rama, krushku i parë i Arkanit!

Propozimi i politikanit të njohur serb Dragan Markovic që t’iu akordohet çmimi Nobel për Paqe, tri kryeministrave të Ballkanit të projektit “Open BalKan”, ka ngjallur ditën e sotme reagimin e ish-Kryeministri Sali Berisha.

Ky i fundit e ka komentuar me një foto demaskuese, se çfarë përfaqëson dhe synon politikani që ka kërkuar  vlerësim të tillë për Edi Ramën, Aleksandën Vuçiçin dhe Zoran Zaevin.

“Dragan Markoviç, krushku i parë i Arkanit – xhelatit serb të Kosovës, propozoi padronin Vuçiç dhe çirakun e tij e tij Rama për Çmimin Nobel!!!”- shkroi ai në rrjete sociale pa shtuar asgjë më tepër.

Para disa ditësh, Dragan Markoviç e vlerësoi maksimalisht projektin e mbështetur nga Qeveria e Edi Ramës “Open Balkan”, ku Kosova nuk është e pranishme, duke u shprehur se “aty ku ekonomia është e lidhur, nuk ka luftë.

Marrëveshja Open Balkan” ditën e sotme siguron kalim të lirë të njerëzve dhe mallrave, mirëpo mbi të gjitha siguron paqe në këtë fushë, veçanërisht midis serbëve dhe shqiptarëve – gjykon politikani i njohur serb dhe kjo është arsyeja pse Presidenti serb Aleksandër Vuçiç dhe kryeministrat, ai shqiptar Edi Rama dhe ai maqedonas-verior Zoran Zaev meritojnë Çmimin Nobel për Paqe”, deklaroi Markoviç.