Përfundon aventura europiane, Teuta dhe Laçi eliminohen nga Conference League

Skuadrat shqiptare kanë përfunduar aventurën në kupat e Europës. Teuta dhe Laçi ishin dy ekipet e vetme që luajtën në raundin e tretë të Conference League ku patën përballë rivalë shumë të vështirë dhe nuk ja dolën.

Kampionët në fuqi të Superiores, Teuta e cila pësoi një humbje dramatike 1-0 në sfidën e parë në sekondat e fundit, nuk mundi në “Elbasan Arena”, të bente mrekullinë me një përmbysje teksa u mund sërish, kësaj radhe 2-0.

Golat e ndeshjes u shënuan nga Gafney në të dyja pjesët duke mbyllur kapitullin e Europës për ekipin durrsak i cili në anën tjetër ka mbushur edhe arkën me mbi 500 mijë Euro.

Laçi ishte ekipi tjetër që luajti ndeshjen e dytë kualifikuese ndaj Anderlechtit dhe sigurisht që e kishte te pamundur pas humbjes së parë 3-0 në shtëpi.

Gjithsesi sfida në Belgjikë përfundoi 2-1 dhe golin e nderit për kurbinasit e shënoi Regi Lushkja në pjesën e dytë.

Edhe për Lacin duhet thënë që tre ture janë pozitive për këtë skuadër, që asnjëherë nuk kishte patur njê ecuri të tillë./Ora News/