LIGJET E BIZNESIT
Vijon të mbetet problematika situata me zjarret në vend.
Në qarkun e Kukësit, Forcat Operacionale në bashkëpunim me shërbimet zjarrfikëse, punonjës të shërbimit pyjor si edhe banorë të zonës kanë nisur punën që në orët e para të mëngjesit të sotëm.
Operacioni po përqëndrohet në Majën e Rrunës edhe Qafën e Mollave, pasi këto dy vatra vijojnë të jenë aktive.
Për izolimin dhe shuarjen e kësaj vatre zjarri janë angazhuar 10 forca zjarrfikëse, 6 punonjës të pyjores, 20 forca nga komuniteti i zonës dhe forcat e DMR-së Kukës.
Një tjetër vatër e cila është aktive është ajo që pritet të afrohet në Pukë-Mirditë-Kukës, në zonën e quajtur Laku i Thive.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë, Ministria e Mbrojtjes më herët ka njoftuar se një helikopter do të bashkohet ekipeve të Kukësit për shuarjen e vatrave serioze.
Situata e vatrave të zjarrit të rëna në qarkun Kukës:
Në bashkinë Kukës vatra e zjarrit në një sipërfaqe me pisha njohur si maja e Rrunës (Laku i mollave) vazhdon të jetë aktive.
Për izolimin dhe shuarjen e kësaj vatre zjarri janë angazhuar 10 forca zjarrfikëse, 6 punonjës të pyjores, 5 punonjës të NjA Malzi, 20 forca nga komuniteti i zonës dhe forcat e DMR-së Kukës.
Ndërsa në bashkinë Tropojë janë dy vatra zjarri aktive një në pyje të fshatit Betoshë njësia administrative Lekbibaj dhe vatra tjetër afër fshatit Dragobi, njësia administrative Margegaj.
Gjithashtu sipas informacioneve nga Bashkia Tropojë, bëhet me dije se janë angazhuar 6 punonjës të pyjores, 5 punonjës të AZM, 4 punonjës të NjA Margegaj dhe 10 forca nga komuniteti i zonës.
