E rëndë/ Aksidenti në Itali i merr jetën 34-vjeçares shqiptare (EMRI)

Një aksident i rëndë ka ndodhur dje pasdite në Romë të Italisë.

Por ngjarja u bë publike vetëm sot nga mediat fqinje.

Mësohet se është përplasur për vdekje me makinën e saj tip “Smart” një 34-vjeçare shqiptare, Elisa Denaj.

Viktima jetonte prej kohësh në Bashkinë e Zagorolos.

Mjeti që ajo drejtonte përfundoi jashtë rruge deri tek dy makina të parkuara. Makina tjetër e përfshirë në aksident ishte një Audi. Shoferi i mjetit Audi ishte një 21-vjeçar, i cili pas përplasjes është dërguar në spital për ndihmë mjekësore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas aksidentit në vendngjarje mbërriti ambulanca dhe policia, e cila nisi menjëherë hetimet për zbardhjen e ngjarjes. Ndërhyrja e mjekëve për ta shpëtuar ishte e kotë, pasi nga përplasja, ajo kishte humbur jetën menjëherë.