I dha lekë, arkën me peshk dhe telefon zv.ministres Voda për tu punësuar, Apeli merr vendimin për Florida Beun

Ditën e sotme Gjykata e Posaçme e Apelit për Korrupsionin dhe Krimin e Organizuar ka vendosur të lërë në fuqi masën e sigurisë “arrest shtëpie” për Florida Beun.

Emri i saj doli në përgjimet e Prokurorisë duke deklaruar se i kishte dhënë rryshfet ish-zv.ministres së Brendshme Rovena Voda për ta punësuar në këtë institucion.

Ajo akuzohet për “Ushtrim të ndikimit të pa ligjshëm” të funksionarëve publikë dhe sipas përgjimeve dyshohet t’i ketë dhënë Vodës 1 mijë euro, një arkë me peshk, dhe një telefon të shtrenjtë, markën e të cilit ia specifikoi vetë Voda.

Pak ditë më parë Apeli i GJKKO nuk e pranoi kërkesën e Vodës për lehtësimin e masës, duke vendosur të qëndrojë në “arrest shtëpie”.