VIDEO/ Aksident i rëndë në Elbasan, një prej shoferëve mbetet i bllokuar në makinë

Një aksident i rëndë automobilistik u regjistrua ditën e sotme në aksin nacional Elbasan- Peqin në fshatin Vidhas. Dy mjete njëri tip “Benz” dhe tjetri “Ford”janë përplasur mes tyre, teksa i plagosur ka mbetur një nga drejtuesit e mjeteve.

I plagosuri është dërguar për kurim në spitalin e Elbasanit, ndërsa përplasja ka qënë aq e fortë, aq sa është dashur ndërhyrja e zjarrfikëses për të nxjerrë personat nga mjetet.

Grupi hetimor mbërriti menjëherë në vendngjarje teksa nisi hetimet mbi shkaqet e përplasjes. Paraprakisht dyshohet se shkak për ngjarjen të jetë bërë parakalimi i gabuar i njërit prej mjeteve.