“Avancon shpejt në organizëm” Pipero jep informacionin me rëndësi për variantin Delta

Deri më tani varianti Delta nuk ka shkaktuar ndonjë alarm te njerëzit, për vetë faktin se pretendohet që simptomat janë të lehta.

Por nga ana tjetër mjeku i njohur infeksionist Pëllumb Pipero tregon se mutacioni në fjalë pavarësisht se ngjan me një virozë të thjeshtë, avancon shumë shpejt në organizëm.

Ajo që dimë për Deltën është se ka një transmetueshmëri më të shpejtë dhe të lartë.

Pra nëse një person i infektuar dikur me C OVID19 për tu prekur nga virusi duheshin 15 minuta, tani bëhet për 5 minuta.

Së dyti ngarkesa virale në rrugët e sipërmes respiratore e Deltës është 10-15 herë më e lartë sesa e COVID të zakonshëm në fazat e para të sëmundjes. Periudha e parë klinike është relativisht e qetë në dukje me shenja të një viroze, të një gripi pak a shumë por që avancon shumë shpejtë më pas.

Pipero tregon edhe për rastet më ekstreme që lidhen me dy vdekjet e fundit të raportuara nga Ministria e Shëndetësisë. Infeksionisti dyshon që të dy personat, një 79 vjeçar kurse tjetri 76 vjeçar, ishin me Delta

Prekje e gjerë e sistemit pulmonar pra e mushkërive, do thosha një dëmtim të shumë organeve njëkohësisht dhe pamundësi për ti rehabilituar apo për t’iu mundësuar të shpëtonin, ishin nga ato forma tejet të rënda të COVID në përgjithësi. Duhet të keni në konsideratë që pothuajse në të gjithë globin tashmë varianti dominues mbi 90% të rasteve janë Delta pavarësisht se janë të konfirmuar apo jo kështu që për analogji mendoj që edhe rastet e shtruara tek ne kryesisht janë Delta.

Infektimet po shtohen ditë pas dite, pavarësisht se në spital numri i shtrimeve nuk është i lartë. Pipero tregon se aty ka mosha të reja të prekura nga virusi.

Moshat janë të ndryshme ka dhe mosha të reja çka do të thotë që virusi vazhdon të preki të gjitha moshat, të gjithë qytetarët veçanërisht ata që janë të pavaksinuar. Rastet që kanë ardhur tek ne aktualisht, përgjithësisht kanë pasur një klinikë të fshehtë dhe me prekje të gjerë pulmonare por pa vështirësi në frymëmarrje madje do thosha dhe pa kollë çka dëshmon që sjellja e Deltës është e ndryshme në fazat e para të sëmundjes.