Policia arreston shqiptarët në fushat e Spanjës, mes tyre një grua, çmontohen plantacionet e marij uanës

Autoritetet spanjolle kanë pikasur një bandë që merrej me lëndë narkotike, e përbërë dhe nga dy shqiptarë e një grua spanjolle. Personat kishin tre plantacione të marijuanës Tarragona. Qytetarët e punësuar për të korrat ishin disa shqiptarë.

Operacioni është kryer në disa faza. Gjithsej janë arrestuar shtatë persona mes tyre një shtetas shqiptar 50-vjeçar, vëllai i tij 37-vjeçar dhe partnerja e tij spanjolle 47-vjeçare.

Hetimet e policisë filluan tetorin e kaluar, kur u zbuluan se shtetas shqiptarë po qëndronin në një apartament në Cambrils, që kishin lidhje me kultivimin e marijuanës. Hetimet zbuluan tre plantacione marihuanë në Priorat, kryesisht në qytetet Ulldemolins, Cabacés dhe La Figuera.

I pari nga plantacionet u çmontua më 22 korrik në një operacion ku katër “kopshtarët”, midis 19 dhe 32 vjeç dhe me kombësi shqiptare, u arrestuan dhe policia sekuestroi në cilësinë e provës materiale 3, 175 bimë, më shumë se 2.000 prerje dhe 10.900 sythe marijuane.

Faza e fundit e operacionit u zhvillua ditën e hënë në 2 gusht, kur policia çmontoi dy plantacionet e tjera, në Cabacés dhe La Figuera, ku gjetën përkatësisht 4,600 dhe 8,178 bimë.