Foshnja që mendohet se ka lindur me peshën më të vogël në botë ka dalë nga spitali pas 13 muajsh terapi intensive.
Bebja e quajtur Këek Yu Xuan peshonte 212 gr – sa një kokërr mollë – kur lindi dhe gjatësia e saj ishte 24 cm.
Ajo lindi në javën e 25- të, teksa lindjet normale bëhen në javën e 40-të.
Mamaja e foshnjës iu nënshtrua një ndërhyrjeje kirurgjikale pasi u diagnostikua me pre-eklampsia, një gjendje shtatzanie që karakterizohet nga presioni i lartë i gjakut e që mund të shkatërrojë organet vitale. Mund të jetë fatale edhe për fëmijën edhe për nënën.
Tashmë vajza e vogël Yu Xuan nga Singapori gëzon shëndet të plotë dhe doli nga spitali kur arriti peshën 6.3 kg
Në momentin kur lindi, prindërve iu komunikua se kishte shanse shumë të vogla mbijetese.
“Megjithë vështirësitë dhe komplikacionet e vogla frymëzoi të gjithë njerëzit përreth me këmbënguljen dhe rritjen e saj, gjë që e bën atë një fëmijë të jashtëzakonshëm – një rreze shprese mes trazirave të covid- 19,” tha spitali.
