Të shtëna me ar më mes shqiptarëve në Zvicër, 23-vjeçari plagos dy persona 

Të shtëna me armë zjarri janë regjistruar mes shqiptarëve të Kosovës në Zvicër. Një 23-vjeçar plagosi një 46-vjeçar dhe gruan e tij.

Të dielën e 8 gushtit, pak para orës 1.00 pas mesnatës, në Falkensteinstrasse të St. Gallenit plasi një zënkë mes disa personave, të cilët thuhet të jenë nga Kosova.

Meidat e huaja shkruajnë se policët panë në vendin e ngjarjes një 46-vjeçar kosovar të plagosur rëndë dhe gruan e tij 43-vjeçare, po ashtu me shtetësi kosovare, me plagë të lehta.

Policia arrestoi një 23-vjeçarin teksa akuzohet se ka plagosur 46-vjeçarin gjatë përleshjes fizike.

Policia e kantonit të St.Gallen, e kryesuar nga prokurori publik i vendit, po vijon hetimet e mëtejshme të rastit.

46-vjeçari i plagosur u dërgua në spital nga shërbimi i ambulancës, si pasojë e plagëve të marra. Sakaq, gruaja e tij e plagosur më lehtë, mori trajtim mjekësor pa ndihmën e ambulancës.