Gent Cakaj refuzon të bëjë konsull nderi në Shqipëri nipin e deputetit të PS

Ministri për Evropën dhe Punët e Jashtme, Gent Cakaj ka refuzuar emërimin e nipit të deputetit socialist Sadri Abazi për Konsull Nderi i Kosovës në Shqipëri.

Arbër Abazi, biznesmen i fuqishëm dhe administrator i kompanisë së ndërtimit “Alko Impex”, u propozua nga autoritetet kosovare si konsull nderi, por Cakaj ka vendosur ta refuzojë, komunikatë që i është përcjellë përmes Ambasadës së Shqipërisë në Kosovë.

Më herët, Cakaj refuzoi edhe propozimin e Julian Morinës, një tjetër biznesmen i përfolur në media për lidhjen me dy vëllezërit indianë të akuzuar për pastrim të shumave të mëdha monetare në Shqipëri.