Kërcënimi që shkolla e vendit të tij do të mbyllet për shkak të mungesës së fëmijëve, ka bërë që një kryebashkiak të dalë me një propozim shumë të guximshëm. Bëhet fjalë për fshatin Montereau, në juglindje të Parisit që numëron rreth 650.
Sipas medieve lokale, kryebashkiaku Jean Debouzy, ka lëshuar një dekret që ofron falas Viagra për të gjitha çiftet në vendin e tij.
Në veçanti, dekreti thotë se “kryetari favorizon shpërndarjen e pilulave të vogla blu”.
“Pilulat do t’u shpërndahen çifteve të moshës nga 18 deri në 40 vjeç për t’u dhënë atyre mundësinë që të ruajnë shkollat e dy fshatrave”, thotë dekreti i kryetarit Jean Debouzy, duke iu referuar vendit të tij Montereau dhe një tjetër fqinj, shkolla e të cilëve po kërcënohen me mbyllje. “Një fshat pa fëmijë është një fshat që po vdes”, tha Debouzy.
