Vendet vakante në BKH/ Përfundon intervistimi, kush janë 75 kandidatët që do ti nënshtrohen testit të poligrafit (EMRAT)

Vijon gara për 32 vendet e mbetura vakantë në Byronë Kombëtare të Hetimit (BKH).

Pas përfundimit të fazës së intervistimit, tashmë kanë mbetur 75 kandidatë.

BKH ka intervistuar gjithsej 163 kandidatë, ku vetëm 75 prej tyre do të bëjnë testin e poligrafit, i cili fillon më 9 gusht.

Ndërsa faza e rradhës është plotësimi i deklaratës së pasurisë dhe kontrolli i figurës.

Faza e intervistës u zhvillua nën vëzhgimin dhe monitorimin e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Evropian në Shqipëri.

Rrugëtimi i hetuesve të BKH fillon me procesin e përzgjedhjes gjatë përfshin teste të logjikës së arsyetimit, testin fizik, hartimin e esesë, intervistën e strukturuar, si dhe një verifikim të gjerë të figurës.

BKH është një i institucion i ri i dalë nga reformën në drejtësi dhe është pjesë e SPAK për të luftuar krimin e organizuar dhe korrupsionin. Aktualisht BKH ka 28 hetues, nga 60 që duhet të jenë në total. 28 hetuesit e BKH-së zhvilluan në Romë trajnimin intensiv dhe të specializuar nga DIA italiane (Drejtoria e Antimafias) për luftën ndaj krimit dhe korrupsionit.