Policia e Mallakastrës ka arrestuar një 46-vjeçar të shpallur në kërkim pasi ishte dënuar 7 vjet e 4 muaj burg për trafik droge.
I arrestuari është shtetasi Qamil Mucaj, i cili ishte i dënuar me 7 vjet e 4 muaj burg për veprën “Trafikim të lëndëve narkotike” nga Gjykata e Shkallës Parë për Krimet e Rënda.
NJOFTIMI ZYRTAR I POLICISE
Mallakastër
Vijon zbatimi i planit të masave për kapjen e personave të shpallur në kërkim.
Kapet dhe ndalohet një shtetas për “Trafikim të lëndëve narkotike” i dënuar me 7 vite e 4 muaj burg. Nga shërbimet e Komisariatit të Policisë Mallakastër, në bashkëpunim me Seksionin për Hetimin e Narkotikëve në DVP Fier, si rezultat i një pune të mirëorganizuar dhe në bazë të informacioneve të marra në rrugë operative, u bë lokalizimi, kapja dhe ndalimi i shtetasit të shpallur në kërkim:
Q.M, 46 vjeç, banues në Mallakastër.
