Hyn me thi kë në qendër tregtare, arrestohet 42-vjeçari i arratisur nga spitali psikiatrik

Policia në Kosovë, ka raportuar se një ditë më parë, reth orës 17:30 në rrugën ‘Komuna e Parisit’ në Prizren ka ndodhur një grabitje nën kërcënimin e armës në një qendër të madhe tregtare.

Rasti është denoncuar nga një burrë që tha se në momentin e ngjarjes ndodhej në zyrë me disa fëmijë të mitur të pronarëve të qendrës tregtare kur personi në fjalë ka hyrë me thikë në dorë teksa u ka kërkuar 5 euro të cilat ja ka dhënë njëri prej fëmijëve.

Njoftimi i policisë:

I dyshuari D.G i lindur në vitin 1979, është arrestuar dhe shoqëruar në stacionin policor Prizren i cili është i njohur për policinë si person me probleme psikike ku  para disa dite ka qenë në mjekim të detyrueshëm ne institutin Forenzikes të Shëndet Metal, por që ka arritur të largohet nga aty.

Në lidhje me ketë  rast  njësit i hetuesisë dhe krim teknikës kanë gjet dhe  sekuestruar thikën (Thikë kuzhine 20 cm ) ne cilësinë e provave material. Është njoftuar Prokurori i Shtetit i cili ka rekomanduar që fillimisht i dyshuari të dërgohet në repartin e psikiatrisë për kontroll ku edhe është dërguar dhe sipas mjekëve i dyshuari është i njohur dhe ka sjellje të pa kontrollueshme.

Me aktvendim të prokurorit të shtetit, i dyshuar ndalohet në ndalim policor  për 48 orë. Rasti është duke u hetuar.