U përfol për një gazetar që paguhet nga grupet kriminale, reagon Artan Hoxha

Zgjerohen hetimet e SPAK në kuadër të operacionit “Shpirti”.

Gazetari i njohur investigativ Artan Hoxha ka reaguar në lidhje me lajmin se i dyshuar si pjesë e grupit është edhe një gazetar i njohur shqiptar, i cili lobonte për llogari të aktivitetit kriminal të të arrestuarve.

Në media u përfol se gazetari dyshohet se ka marrë disa mijëra euro nga grupet kriminale për të denoncuar në media parcelat me kanabis të kundërshtarëve të tyre.

Hoxha teksa ka shpërndarë një postim të kolegut Elton Qyno, shkruan se kjo situatë po përdoret si skemë sa herë që pushteti është duke mbyllur një pazar.

Reagimi i Artan Hoxhës

Mos Qyno, se ia preve krahet rrotes se mullirit

Por tashme skema dihet, sa here pushteti eshte duke mbyllur ndonje pazar te madh, zagaret mediatik te tij, qe ushqehen me taksat dhe parate e qytetareve me te varfer ne Europe, kane per te detyre te spostojne vemendjen nga realiteti dhe nga e verteta.

Shperthe diku nje shashke tjeter per te hequr vemendjen e publikut nga zullumi i madh i pushtetit…

Mos i merr kaq seriozisht Elton, leri ta shijojne gjirizin e pushtetit, deri sa SPAK-u te nisi vertete hetimin per financimin e atij ndertimit voluminoz, ne lagjen e Shullazit…