Sërish temperatura të larta, parashikimi i motit për ditën e sotme, e diel 1 gusht 2021

Sipas MeteoAlb, kushtet e qëndrueshme atmosferike do të sjellin dominim të kthjellimeve në vendin tonë, por vetëm në zonat malore priten vranësira të lehta dhe të përkoheshme.

Po ashtu temperaturat e larta do të vijojnë të jenë prezente në Shqipëri. Temperaturat e ajrit do të mbeten konstante në mëngjes, por do të rriten në mesditë duke luhatur vlerat ditore nga 17°C deri në 41°C.

Era do të fryjë me shpejtësi 45 km/h nga drejtimi Jugperëndimor duke krijuar në det dallgëzim mbi 3 ballë.