Video/ Momenti kur të rinjtë i shpëtojnë zjarreve në Turqi duke kaluar me makinë mes për mes

Ky është momenti kur një grup miqsh arrijnë të shpëtojnë nga zjarret e egra në Turqi duke kaluar mes përmes flakëve me makinë.

Në videon e xhiruar nga një prej pasagjerëve, ata shihen që drejtojnë në rrugën pyjore me flakë nga të dyja anët, dhe me tym që u bllokon pamjen.

Gjatë rrugës shoferi detyrohet përsëri të ndalojë teksa flakët përfshijnë të gjithë rrugën, disa metra larg makinës.

Ata tregojnë dhe disa dëme te shkaktuara ndaj automjetit, pjesa e pasme e të cilit është e mbushur me bagazhe.

Deri tani zjarret kanë lënë katër të vdekur, kanë djegur shtëpi dhe kanë detyruar largimin e banorëve nga fshatrat dhe rezortet turistike.