Zjarret në vend! IGJEUM paralajmëron: 10 qarqe janë më të rrezikuara

Instituti i Gjeoshkencave, Energjisë, Ujit dhe Mjedisit ka reaguar për situatën e zjarreve në vend, dhe ka parashikuar zonat me rrezikshmëri të lartë.

IGJEUM thotë se në 10 qarqe të vendit rreziku paraqitet më i lartë, ku temperaturat pritet të shkojnë në 41 gradë Celcius.

Postimi i plotë i IGJEUM:

ZJARRET NË PYJE

——————–

Sot pasdite (e shtunë dt.31) dhe nesër (e diel dt.01) pritet nivel “I LARTË” rreziku në pothuajse të gjitha qarqet e vendit. Vetëm në qarqet Dibër dhe Durrës pritet nivel “I MODERUAR” rreziku (siç tregohet në tabelë, respektivisht për secilin qark). Në qarqet Dibër dhe Durrës pritet rrezik “I LARTË” vetëm në zona të lokalizuara, konkretisht: Dibër (perëndim) dhe Durrës (jug).

Rreziku pritet të jetë më i lartë ditën e nesërme.

PARASHIKIMI METEO

————————–

RESHJET

Sot pasdite (e shtunë dt.31) dhe nesër (e diel dt.01) nuk priten reshje (siç tregohet në tabelë, respektivisht për secilin qark).

TEMPERATURAT

Nesër (e diel dt.01) temperaturat minimale dhe maksimale të ajrit pritet të arrijnë:

në bregdet: 23 / 36 °C

në vendet e ulëta: 20 / 41 °C

në vendet malore: 16 / 36 °C

Era

Sot pasdite (e shtunë dt.31) dhe nesër (e diel dt.01) era pritet të fryjë e lehtë deri në mesatare. Vala e të nxehtit gjatë ditëve në vijim, përveç temperaturave të larta, do të shoqërohet edhe me pluhur me origjinë nga shkretëtira e Saharasë.