Ekspertët britanikë po ndihmojnë në gjurmimin e pasurisë së politikanëve, zyrtarëve, prokurorëve dhe gjyqtarëve shqiptarë nëpër bankat e Mbretërisë së Bashkuar.
Bashkë me FBI edhe organet ligjzbatuese shqiptare kanë nisur me intensitet punën në kuadër të zbatimit të reformës në Drejtësi dhe zbardhjes së pasurive të padeklaruara të atyre që kanë abuzuar me paratë e shqiptarëve dhe në kurriz të tyre ndër vite.
Mësohet se Ilir Meta, ish-kryetar i LSI dhe aktualisht Presidenti i Republikës së Shqipërisë është renditur në listën e oligarkëve që kanë qarkulluar para të pista dhe që i kanë investuar në biznese në Mbretërinë e Bashkuar dhe në të gjitha vendet, që formojnë Komunuellthin Britanik. Informacioni dhe tërë faturat e mbledhura do të vijnë shpejt në Shqipëri, në kuadër të reformës në Drejtësi. Ekpertët dhe prokurorët kishin rënë me kohë në gjurmët e arit të Ilir Metës të vjedhur në Kërrabë vite më parë kur ai ishte kryeministër i vendit. Besohet se sasia e madhe e arit të vjedhur është investuar në Britani, por dhe depozituar në bankat e Mbretërisë së Bashkuar dhe sidomos në ishujt e njohur si “parajsa fiskale”.
Bashkë me Metën nga Ballkani është dhe ish drejtuesi veteran i Malit të Zi, Milo Gjukanoviç dhe miku i Ilir Metës dhe Lulzim Bashës, ish-kryeministri maqedonas Nikola Gruevski, shkruan ekskluzive.al. Në këtë listë janë oligarkët rusë të Putinit që kanë gjetur ‘parajsën’ në Britani, ku kanë investuar paratë e tyre të paligjshme në të gjitha bizneset e mundshme, deri në “fenë” e britanikëve, futbollin.
Kjo nismë e qeverisë britanike ka ardhur për shkak të luftës së ashpër diplomatike që ka shpërthyer mes Londrës e Moskës, nga helmimi i një spiuni rus në tokën britanike, bashkë me të bijën. Kryeministrja May do të synojë pasurinë e madhe që oligarkët rusë e kanë nxjerrë nga Rusia dhe e kanë investuar në prona dhe aksione në Britani të Madhe.
Përpos një ligji që do të sjellë fillimin e “gjuetisë” për pasuritë ë paligjshme, do të merren masa deri në ndalimin e vizave për të hyrë në Britani për këta njerëz. Ndërkohë që do të promovohet një fushatë e rëndësishme për të detyruar “gangsterët” e dyshuar rusë, ata nga Ballkani e më gjerë në Britani të Madhe të japin llogari për pasuritë e tyre të pajustifikuara.
Kryeministrja britanike May do të diskutojë një numër të madh masash të reja me ministrat dhe shefat e inteligjencës në një takim të Këshillit të Sigurimit Kombëtar këtë javë. Qëllimi është për të pastruar përfundimisht vendin e saj tashmë drejt daljes nga BE, nga të gjithë paratë e pista dhe oligarkët nga e tërë bota që qëndrojnë pas investimeve të tilla në Britani. Pikërisht duke shfrytëzuar dhe lehtësirat që ky ligj ka, ku do të involvohen të gjitha organet ligjzbatuese britanike, do të përfitojnë dhe ekspertët britanikë, FBI dhe organet ligjzbatuese shqiptare për të zbardhur pasuritë e “oligarkëve” shqiptarë të politikës dhe drejtësisë në Britaninë e Madhe.
Paratë e konfiskuara të rikthehen sipas rregullave ndërkombëtare në arkën e shtetit shqiptar. Por dhe drejtësia do çojë prapa dyerve të burgut Metën dhe të gjithë ata që të gjenden me para të pajustifikuara nëpër bankat e huaja apo të investuara në ekonominë e këtyre vendeve.
