“Nuk jemi më bashkë” Dukeshin shumë të dashuruar, ndahet papritur çifti i “Përputhen +40”

Ata janë një nga çiftet më të njohur në “Përputhen +40”, të cilët dolën bashkë nga emisioni dhe shumë të dashuruar.

Bëhet fjalë për Çimin dhe Stelën.

Por një lajm shumë i papritur vjen së fundmi për dyshen e famshme.

Dhe këtë e ka dhënë pikërisht Stela.

Ajo shkruan në një postim në “Instastory” se e ka marrë vesh për ndarjen kur ai ka hequr nga “Instagram”-i i tij fotot që kanë dalë bashkë. Ish-konkurentja brune tregon se ka ndodhur befasisht dhe pa asnjë komunikim.

“Mbas muajsh me radhë të insistimit të Çimit, u deklarova sepse mendova se ishte i sinqertë në ndjenjat e tij. Papritur pa asnjë shkak dhe pas asnjë komunikim, ne nuk jemi më bashkë dhe këtë e mësova nga heqja e fotove në Instagram-in e tij. Ky ishte Çimi”, shkruan Stela në postimin e saj.

Teksa poston një video nga studio kur kanë qenë në “Për’puthen”, ajo shkruan: “Kush e sheh Çimin në rrugë ju lutem mund ta pyesni”.

Ndërsa mëngjesin e sotëm, ish-konkurrentja e “Për’puthen +40” ka vendosur që t’u kthejë përgjigje të gjithë ndjekësve, të cilët e kanë pyetur se pse nuk ka fshirë nga rrjetet sociale fotot me Çimin.

“Mirëmëngjes! Shumë persona më shkruajnë pse nuk i heq fotot me Çimin nga Instagram-i… Unë nuk jam fëmijë si disa të tjerë, ato janë kujtime të bukura për aq sa zgjati… Ditë të mbarë e faleminderit për mbështetjen tuaj”, shkruan Stela mëngjesin e kësaj të shtune.