“Ti je një injorant!” Gazetari zbulon incidentin me Ramën në Forumin Ekonomik, si e shau kryeministri

Gazetari Furkan Saliu ka treguar një incident që ka patur me kryeministrin Edi Rama në Forumin Ekonomik.

Saliu shprehet se gjatë takimit në Shkup mes kryeministrit të Maqedonisë së Veriut Zoran Zaev, presidentit serb Aleksandër Vuçiç dhe kryeministrit shqiptar Edi Rama, ai ka pasur mundësinë të fliste për pak sekonda me këtë të fundit.

Gazetari zbulon se si Rama shpërtheu në të shara kur i tha se forumi iu duk si një mini-Jugosllavi.

Ndërkohë kreu i qeverisë së Shqipërisë nuk i ka kursyer ofendimet “injorant” ndaj gazetarit maqedonas, madje në fund të bisedës është shtirur sikur ky po e pyeste për intervistë ekskluzive në mënyrë që të mos e kuptonin gazetarët e tjerë se po e ofendonte.

POSTIMI I FURKAN SALIUT:

Për shkak të distancës mikrofoni nuk ka kap gjithçka që më tha dhe i thashë Ramës, po qe po mundohem pak a shumë tua shpjegoj situatën.

Konferenca për media doli që nuk ishte për media po për televizionet private të Ramës, Vuçiçit dhe Zaevit, dmth televizionet publike.

Iu thash në anglisht të treve se kjo po duket mu ashtu siç e tha Rama, mini-Jugosllavi, pa liri të shprehjes.

Kjo si duket e preku më së shumti Ramën

E pastaj filloi “biseda”…

Rama: Ti je një injorant!

F.S: Injorant Gashi?

Rama: Çfarë rinie jeni ju? Injorantë!

F.S: Nuk e di se a unë jam injorant apo ju arrogant?

Rama: Pse arrogant? Po e them të vërtetën, je injorant!

F.S: Ju ekspert injorantes, i njihni në shikim të parë, me shumë gjasa jeni të rrethuar me injorantë

Afrohen gazetarët, fillojnë të interesohen se për çfarë po flasim dhe Rama e ngrit zërin…

Rama: Nëse do intervistë ekskluzive..?

F.S: Jo faleminderit