LIGJET E BIZNESIT
Shakira është një nga këngëtaret më të njohura me famë botërore.
Por së fundmi ylli i muzikës po kalon disa telashë në jetën e saj.
Mësohet se ajo mund të përballet me një gjyq në Spanjë për pretendimin e shmangies së taksave me vlerë prej 13 milionë funte (15.2 milionë euro).
Prokurorët spanjollë akuzojnë këngëtaren 44-vjeçare kolumbiane për gjashtë vepra penale, të cilat mund të rezultojnë në burg nëse ajo dënohet.
Sipas Daily Mail, ata pretendojnë që artistja e hitit “Hips Don’t Lie” ndaloi pagimin e taksave në Spanjë në vitet 2012, 2013 dhe 2014. Shakira ka thënë më parë se gjatë atyre viteve ajo jetonte në Bahamas dhe nuk ishte banore e Spanjës, vetëm duke vizituar vendin ‘në mënyrë sporadike’.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Tani një gjykatës ka përfunduar se ka ‘indikacione të mjaftueshme’ që Shakira të shkojë në gjyq për gjoja shmangien e pagesës së 14.5 milionë eurove, raporton Euro Ëeekly. Besohet se Shakira ka në plan të paraqesë një apel në Gjykatën e Barcelonës kundër vendimit.
Muzikantja ka këmbëngulur më parë se ajo është e pafajshme për evazion fiskal pasi u mor në pyetje nga një gjykatës spanjoll. Ajo mohoi akuzat për mos pagimin e taksës kur jetoi në Spanjë midis viteve 2011 dhe 2014, gjatë një seance e gjysmë të gjatë në Esplugues de Llobregat, pranë Barcelonës.
Prokurorët pretenduan se super ylli dështoi të paguajë taksat në Spanjë pavarësisht se ishte rezidente në vend për katër vjet para vitit 2014. Ndërsa ajo pretendohet të jetë transferuar në Spanjë në vitin 2011 kur u bë publike lidhja e saj me futbollistin Gerard Pique, prokurorët pretendojnë se ajo mbajti vendbanimin e saj zyrtar të taksave në Bahamas deri në vitin 2015 kur filloi të paguante taksa në Spanjë.
