Lushnje/ I vr anë djalin për disa degë ulliri, e ëma e 30-vjeçarit: I raftë zjarri (Video)

Sherri për pronën mes disa kushërinjve në fshatin Garunjas të Lushnjes, është mbyllur me bilancin tragjik, një viktimë e tre të plagosur.

Mësohet se viktimë ka mbetur shtetasi Romeo Hasalla, ndërsa janë plagosur babai i tij, Shaip Hasalla dhe dy vëllezërit Emiljano dhe Laert.

Nëna e viktimës, 30-vjecarit Romeo Hasalla, ka thënë për gazetarët se djemtë e kishin mbjellë me ullinj tokën e cila ishte bërë shkak për sherrin dhe konflikti me kushërinjtë nisi për prishjen e tyre.

“Ajo është tokë-shtet. Çunat e patën mbjellë, është toka ime, vajtën atje dhe nuk di nëna më gjë. Për punë toke. Do ketë prishur ullinjtë që ka mbjellë çuni, vajtën me zetor për të prishur ullinjtë andej”, shprehet mes lotësh nëna e viktimës.

Familja u qëllua me çifte nga kushërinjtë e tyre, vëllezërit Afrim dhe Kastriot Hasalla 33 vjeç. Policia i ka shpallur në kërkim. Pasi kryen aktin e rëndë, janë larguar në drejtim që ende nuk dihet.