Nuk shkoi 6 vite në vendlindje, shpërthen në lot emigranti kur e takon nënën   

Emigranti Shpëtim Hajdari ka prekur të gjithë publikun me historinë e tij, pas kthimit në atdhe pas 6 vitesh! Pai u largua për në Gjermani, ai tregoi se i janë dashur më shumë se 6 vite për t’u kthyer në Kosovë, atje ku po e priste e ëma dhe e dashura e tij të cilën e kishte njohur nëpërmjet rrjeteve sociale.

Emocione të pafundme dhe lot gëzimi, janë këto dy nga fjalët që përshkruajnë më së miri momentin kur emigranti përqafoi nënën e tij sapo mbërriti në aeroport. Ai për asnjë çast të vetëm nuk i largonte duart nga qafa e të ëmës teksa lotët i shkonin rrëke.

“Unë po tregoj të drejtën, gjithë rrugëtimin që e kam bo për të ardhur këtu, unë mendjen e kam pasur veç tek nëna. Ka disa shokë të mi që janë martuar me gjermane, polake por unë nënës time i kam premtuar që veç shqiptare do ta marrë gruan time. I madhi Zot, kjo është dhuratë prej Zotit. Të dashurën e kam njohur në Instagram, na ka pëlqyer muhabeti por unë isha në Gjermani. Nuk kisha si ta shihja vetë, pastaj i thashë motrës së madhe, dil ti,” – tregoi ai.