Temperatura ekstremisht të larta/ Parashikimi i motit për ditën e sotme, 29 korrik

Sipas MeteoAlb, vendi ynë vijon të jetë në prezencën e valëve të të nxehtit afrikan, i cili ka sjellë temperatura shumë të larta.

Gjithashtu, mbeten dominuese kthjellimet në pjesën më të madhe të territorit, por në zonat malore do të ketë herë pas here ndonjë vranësirë të lehtë dhe kalimtare. Temperaturat e ajrit do të mbeten konstante në mëngjes, por vijojnë të rriten në mesditë duke luhatur vlerat ditore nga 20°C deri në 43°C.

Era do të fryjë me shpejtësi mbi 35 km/h nga drejtimi Veriperëndimor duke krijuar në det dallgëzim 3 ballë.