KUALIFIKIM HISTORIK/ Teuta bën MREKULLINË, vijon ëndrrën europiane

Teuta bën mrekullinë dhe vijon ëndrrën europiane!

Skuadra durrsake përmbysi disavantazhin 2-0 të regjistruar në stadiumin “Niko Dovana”, duke fituar 3-0 përballë Inter Eskaldes dhe kaluar në raundin e tretë të Conference League.

Ekipi i drejtuar nga Edi Martini ishte totalisht ndryshe nga ajo e një jave më parë, duke dominuar kundërshtarin që tregoi limitet në fushën e lojës.

Sebino Plaku ishte padyshim heroi i kësaj sfide, me 2 gola. Bomberi shënoi të dy golat brenda 90 minutëshit, për ta dërguar sfidën në shtesë.

Aty, Teuta u shfaq më pragmatiste dhe penalltia e shndërruar në gol nga Kallaku i dha Teutës biletën për në raundin tjetër. Në turin tjetër, Teuta do mas forcat me Shamrock Rovers./newsbomb