Operacioni ‘i dështuar’në Tiranë/ “Ndal policia”. Ja emrat e të shoqëruarve. Koka ina në kutinë e picave

Detaje të reja mësohen nga operacioni i zhvilluar ditën e sotme në kryeqytet, ku u arrestua një person, i cili si fillim nuk iu bind urdhrit të policisë për të ndaluar, por u kap më pas.

Videoja nga ky moment, bëri xhiron e rrjetit, ndërsa shihen efektivët e policisë që i kërkojnë të riut të dorëzohet, ndërsa ky i fundit xhiron gomat dhe largohet.

Personat e shoqëruar janë Erjon Prengaj dhe Altin Gega (Coku) të cilët ishin brenda në automjetin tip “Volvo” si dhe shtetasi Gentjan Kore i cili është konstatuar në lulishten afër automjetit tip “Volvo”.

Një tjetër i shoqëruar është shtetasi Taulant Çoku, i cili ka qenë në këmbë, në trotuar pranë automjetit tip “Volvo”.

Po ashtu në vendngjarje ka qenë një shtetas i pa identifikuar nga ana e policisë i cili kishte në dore dy kuti si ato të picave.

Të ndodhur në këto kushte dhe duke pasur dyshime se në një nga kutitë e picave ka lëndë narkotike agjentët kanë bërë ndërhyrjen duke thënë “Ndal policia” dhe kanë neutralizuar persona, sipas BW.

Personi i cili kishte kutitë e picave në dore është larguar me vrap së bashku me kutitë duke u futur në brendësi të pallateve. Poshtë një automjeti nga ana e punonjësve të policisë janë konstatuar dy kutitë e picave ku në njërën prej tyre është konstatuar lëndë narkotike kokainë ku pas peshimit rezultoi me peshë të përgjithshme 1128 gram.