Si u infektua 51-vjeçari? Dalin detajet nga rasti i parë i konfirmuar me Delta në Elbasan

Rasti i parë me variantin Delta të C OVID19 është konfirmuar në Elbasan.

Mësohet se pacienti në fjalë është 51 vjeç dhe i pavaksinuar.

Gjithashtu nga raportimet bëhet me dije se ai nuk ka udhëtuar jashtë vendit, ndërsa dyshohet se është infektuar nga kontaktet që ka pasur me disa persona që kanë ardhur në Shqipëri nga Italia.

Komiteti Teknik i Ekspertëve në një konferencë për mediat dha detaje në lidhje me përhapjen e këtij mutacioni në vendin tonë.

Shefja e ISHP-së Albana Fico, tregoi se deri më tani në Tiranë, Elbasan, Shkodër, Lezhë, Kavajë, Gjirokastër, Peqin, Mat dhe Vlorë janë gjetur mostra të këtij varianti.