LIGJET E BIZNESIT
Kanë mbetur vetëm pak ditë nga fillimi zyrtar i fushatës për zgjedhjet lokale të 30 qershorit. Kur palët duket se janë në skajet e tyre më të largëta, në dy ditët e fundit kanë filluar të duken edhe shenjat e para të një marrëveshje të dytë Rama-Basha.
Dy letrat e kryeministrit, kërkesa e PD për të pasur anëtarë në KZAZ, retorika e ashpër e presidentit Ilir Meta, që vijnë të gjitha brenda një harku kohor prej 7 ditësh, të bëjnë të mendosh, se palët kanë filluar që ta shqyrtojnë mundësinë e uljes në tavolinë.
Ftesave të Ramës, ku nuk mungonin edhe notat e ironisë, Basha iu është përgjigjur në disa forma, para qytetarëve në Durrës, por edhe me një letër. Lideri demokrat flet për një dialog kombëtar, me kushtin që Rama duhet të largohet dhe më pas të shikohet se si mund të gjendet rruga më e mirë.
Deri në këtë moment retorika politikë e javës së fundit është shumë e ngjashme me javën e dytë të muajit maj në vitin 2017. Në ato kohë, 17 maji çoi në një marrëveshje, që futi PD-në në zgjedhje, pasi ato u shtynë me vetëm një javë. Nëse do të ndodhë edhe një gjë e tillë edhe këtë herë, këtë gjë vetëm koha dhe protagonistët e saj do e tregojnë.
Votoni në sondazhin e Fast News Albania:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
