Ish-deputeti i Partisë Demokratike, Edi Paloka ka folur për ftesat për dialog që ka bërë kryeministri Edi Rama në drejtim të Opozitës. Në një intervistë në neës24, Paloka tha se nuk do të ketë asnjë marrëveshje me Ramës, për sa kohë ai qëndron kryeministër.
Sipas Palokës, kërkesa e PS është shumë e thjeshtë, Rama duhet të largohet dhe t’i hapë rrugën një qeverie teknike.
“Ai vetting i famshëm për dy të bardhë, thotë njëri është i bardhë dhe tjetri i zi, ndërsa për dy të zinj, njëri i zi e tjetri i bardhë. Ne e kemi bërë të qartë që s’mund të ketë dialog me Ramën kryeministër. Vetëm për zgjedhje të lira dhe të ndershme nuk mendon ai. Nëse është kaq i fuqishëm dhe e do vendin kaq shumë sa thotë, të bëjë gjysmën e asaj që bëri kancelari austriak. Të gjithë ne kërkojmë që të ketë një qeveri teknike, që t’i hapë rrugë ndryshimeve kushtetuese, të cilat do të mundësojnë zgjedhje të lira dhe të ndershme”,- vijoi ai.
