Aksident fatal në Ballsh, makina përplas për vdekje 48-vjeçarin

Një aksident i rëndë ka ndodhur pasditen e sotme në qytetin e Ballshit.

Mësohet se një 26-vjeçar me iniciale G.M., banues në Ballsh, duke drejtuar një automjet tip Benz ka aksidentuar shtetasin me iniciale I.M., 48 vjeç i cili ishte duke ecur në këmbë.

Pas ndihmës së parë në Spitalin e Ballshit u transportua për në Spitalin Rajonal Fier, por gjatë rrugës ka ndërruar jetë.

Grupi hetimor po punon për dokumentimin ligjor dhe sqarimin e plotë të rrethanave të kësaj ngjarje