LIGJET E BIZNESIT
Aksidenti fatal që ndodhi sot në Vlorë, ku humbën jetën katër anëtarët e një familjeje,, solli reagime të shumta, ku u ngrit alarmi mbi sigurinë e rrugëve në Shqipëri.
Një prej tyre është dhe gazetari i njohur Klodian Tomorri.
Ai ka rrëfyer dhe një histori personale që i ndodhi dje në mbrëmje në Tiranë, teksa po dilte nga një program televiziv.
“Mbreme, pasi mbyllem emisionin tek Ylli, nga ora 12 isha duke u kthyer ne shtepi. Nga redaksia, qe eshte afer TEG-ut deri afer trenit, mund te kem ndeshur nja 10 makina me shpejtesi sketerre.
Identikiti eshte thuajse i njejte. Shumica jane cerra nga keta cunat e baballareve me makina super te shtrenjta ose laca, qe ecin me shpejtesi edhe brenda rrugeve te qyteteve, ta bejne me drita te futen ne parakalim edhe ne rrethrrotullim. Ato dritat mund edhe te te nxjerrin nga rruga se te verbojne, por nuk eshte ky problemi.
Problemi eshte, i ndalon ndonjehere njeri keta? Se nuk ka mundesi qe ky soj te mos beje shkelje rrugore ashtu si ecin. Kur i ndalojne a u vene masa ndeshkuese?
Nuk e di dmth, por ajo qe di me siguri eshte se ti mund te jesh super i kujdesshem ne makine, por ne Shqiperi mund te vdesesh ne cdo moment. Per shkak te ketij soji.”, shkruan Klodian Tomorri.
