Një deklaratë që S4MM bëri para pak ditësh ka çuar në përplasjen me reperin Gent.
Reperi nga Tetova deklaroi se Gent kishte paguar 100 mijë euro për duetin me Noizyn që mban titullin “Shum Shum”.
Mirëpo, kjo deklaratë nuk është pritur aspak mirë nga Gent, gjë që ka sjellë dhe një debat shoqëruar me një sërë ofendimesh midis tyre.
Në një video, Gent i drejtohet shqiptarit nga Tetova duke i thënë: “Ti ke qenë gjithmonë fans i imi, a e mban mend ti në Hanover”, ndërkohë që S4MM: “Meqë ra fjala 100 mijë euro ke paguar, 100 mijë dhe ende nuk je i famshëm, tani do të jesh i famshëm.”
Ai thotë se ka paguar një shifër të tillë vetëm për versionin audio dhe jo me klip.
Por, Gent ka reaguar më pas duke publikuar edhe kontratën e firmosur me grupin OTR, duke treguar se ka paguar 23,760 euro.
Ai vijon më tej me ofendimet ndaj S4MM, të cilin e krahason me një kafshë.