Komentuesi vë në siklet prezantuesin grek: Si ndiheni tani që përmendët shqiptarët për vrasjen e Carolinës? (VIDEO)

Ngjarja tragjike e cila ndodhi në 11 maj të këtij viti në Greqi dhe që tronditi mbarë opinionin publik, u zbardh përfundimisht një ditë më parë. Bashkëshotri i saj 32-vjeçar pranoi krimin, pas një sërë provash të paraqitura nga policia.

Ky i fundit inskenoi të gjithë ngjarjen e rëndë, madje deklaroi se kishte dëgjuar se një nga grabitësit kishte folur shqip.

Shumë shtetas grekë kanë shpërthyer ndaj tij, por më shumë shqiptarët që u ndjenë në faj, të fyer dhee të ofenduar, të etiketuar për një krim i cili nuk kishte lidhje me ta, pasi krimi nuk ka kombësi.

“Si ndiheni tani ju gazetarët që deklaronit se ata që hynë në shtëpinë e çiftit ishin shqiptarë?”, e ka pyetur një komentues moderatorin grek.

Drejtuesi i programit ktheu këtë përgjigje në 30 sekondat e para të videos:

“Nuk e thamë ne këtë gjë. Kjo ishte dëshmia e pilotit në polici, që kishte thënë se tre personat që i hynë në shtëpi flisnin shqip. Këto nuk i nxorëm ne nga barku jonë, por i ka thënë bashkëshorti i 20-vjeçares”.