2.5 milionë prona të regjistruara gabim në jug të Shqipërisë

Drejtori i Kadastrës, Artan Lame gjatë një takimi me Dhomën Amerikane të Tregtisë dhe bizneset deklaroi se nga 3.8 milionë pasuri të regjistruara në rang vendi, 2.5 milionë janë regjistruar me probleme. Sipas Lames për këto prona do të fillojë nga e para procesi i regjistrimit sipas standardeve.

Më tej numri një i kadastrës, Lame tha se 600 mijë prona të tjera nuk janë regjistruar ende.

Lame deklaroi se kadastra do të nisë një tjetër projekt për azhornimin e sipërfaqeve të tokave që i janë kthyer pronarëve apo që janë dhënë prej komisioneve të ndarjes së pronave.

“Në 1 milion operacione që bën në vit zyra e regjistrimit të pasurive të paluajtshme prej tyre rreth 500 mijë janë bosh, pra që ti i jep qytetarit një informacion bosh dhe pas një jave e ke prapë tek dera. Ne nuk mund të rregullojmë banakun kur mielli që shitet është i mykur. 3.8 janë regjistruar dhe rreth 600 mijë janë të paregjistruara, por nga këto 3.8 mln pasuri të regjistruara, rreth 2.5 mln janë të regjistruara me probleme”, deklaron Lame. “E para unifikimi i institucioneve, e dyta përmbyllja e të gjitha proceseve tranzitore, hapi i tretë është reformimi i ZRPP”.