Edison Begaj ra në pranga para pak ditësh pas një aksioni të RENEA-s si subjekt i OFL.
Ndërkohë vëllai i tij ka dalë me një apel të fortë.
Gjatë një inteerviste, ai ka hedhur poshtë të gjithë akuzat që ngrihen ndaj të vëllait për trafik droge dhe armësh, duke thënë se Edison Begaj ka marrë vetëm një dënim nga Gjykata e Vlorës për “moskallëzim krimi”.
“Unë jam Besnik Begaj, vëllai i Edison Begës, që emri i tij është përmendur shumë ditët e fundit, për faktin se vëllai im është plagosur para portës së shtëpisë nga një person i panjohur, i veshur me uniformë policie. E ka qëlluar në sy të dy fëmijëve të tij 6 e 7 vjeç. Ai ka ndenjur disa ditë i shtruar në spital, ka dalë nga spitali, e kemi çuar në shtëpi.
Vëllai im është përfolur shumë, për faktin se ka qenë një trafikant droge dhe armësh, por kjo nuk është fare e vërtetë, sepse vëllai im ka qenë i akuzuar për trafikun e drogës dhe të armëve, por ka një vendim të Gjykatës së Lartë që e rrëzon këtë akuzë dhe i ka dhënë pafajësinë e plotë. Vëllai im ka marrë vetëm një dënim nga Apeli i Vlorës dhe Gjykata e Shkallës së Parë vetëm për moskallëzim krimi”, ka deklaruar ai ndër të tjera.