Dalin detaje të reja tronditëse në lidhje me ngjarjen e rëndë që ka ndodhur mbrëmjen e 11 majit në Greqi.
Pas plot 8 orësh marrje në pyetje, piloti 32-vjeçar Babis Anagnostopoulos pranoi që ishte autor i vrasjes së gruas, 20-vjeçares Caroline Crouch në sy të foshnjes, pasi u detyrua për shkak të provave që hetuesit grekë i vunë në dispozicion.
Kjo është dëshmia që burri kriminel ka dhënë para autoriteteve greke.
“Mbrëmjen e 11 Majit kemi patur një sherr tjetër. Ajo më nxorri nga shtrati dhe e pashë që po largohej për ta vendosur foshnjen në djep. M’u errësuan sytë dhe ndërsa ajo ishte duke bërtitur, shkova dhe i mbylla gojën me duart e mia. Kur kuptova që kishte vdekur, u përpoqa të mbuloja ngjarjen sepse është edhe një foshnje 11-muajshe për të cilën duhet të kujdesesha. Nuk kisha asnjë bashkëpunëtor, gjithçka e bëra vetë dhe u mundova ta bëja sa më të besueshme”, deklaroi Babis Anagnostopoulos.