Peshk dhe patate të skuqura me shumicë/ Shpërblimi i çudtishëm që lojtarët e Gjermanisë do marrin nëse bëjnë këtë gjë

Lojtarët e Gjermanisë mund të heqin dorë nga dieta e shëndetshme dhe do të trajtohen me peshk dhe patate të skuqura me shumicë nëse arrijnë në finalen e Euro 2020.
Anton Schmaus, shefi i ekipit theksoi ditën e sotme për “Mittelbayerische Zeitung” se ai është gati të bëjë një përjashtim të tillë.

“Londra nuk është vetëm vendi i gjysmëfinales por edhe i finales. Nëse arrijmë aty do të ketë peshk edhe patate të skuqura për të festuar ditën, që nuk është një pjatë tipike e atletëve”, theksoi ai.

Anton Schmaus ka gatuar për ekipin gjerman katër vitet e fundit dhe është besimplotë se Manuel Neuer ka një mundësi reale për të fituar një pjatë jo të shëndetshme.

“Unë besoj fort se Gjermania mund të bëhet kampione e Europës. Ekipi ka një potencial të madh. Ne nuk jemi ndër favoritët kryesorë këtë vit por kjo mund të jetë përparësia thelbësore”, u shpreh Schmaus.

Gjermania përballet me një fazë tejet të vështirë në grupe, duke filluar me një datë me kampionët e botës Franca.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern