Fillimisht Cristiano Ronaldo me Coca Cola, pastaj ishte Paul Pogba me birrën. Pas episodeve të pijeve të cilat u hoqën gjatë disa konferencave për shtyp, Uefa u kujtoi federatave të përfshira se ka detyrime dhe se të ardhurat e sponsorëve janë tepër të rëndësishme për turneun dhe futbollin europian.
UEFA po ashtu mund të aplikojë edhe gjobat, pasi rastet po bëhen të përsëritura: “Lojtarët janë të detyruar të respektojnë rregullat e turneut përmes federatave. Nuk do të ndëshkohet kurrë një lojtar drejtpërdrejt. Ne gjithmonë do ta bëjmë atë përmes federatave.
Ne kemi një rregullore të nënshkruar nga pjesëmarrësit, të cilët janë federatat. Në këto raste, mund të gjobiten federatat, ndërsa ato duhet të këshillojnë futbollistët e tyre që mos largojnë sponsorët tanë.”
Coca-Cola dhe Heineken janë dy ndër 12 sponsorët e nivelit më të lartë për Euro 2020 duke kontribuar në të ardhurat totale të turneut, gati 2 miliardë euro.