Kush është krimineli i rrezikshëm rus që strehohet në Shqipëri (EMRI)

Një rus i shumëkërkuar në vendin e tij dyshohet se fshihet në Shqipëri. Ai është Revaz Kakhmazov, 44-vjeç ndërsa njihet edhe me emrin Rezo Lotkinsky.

Rusi është shpallur në kërkim ndërkombëtar, pasi akuzohet se është i përfshirë në një sërë grabitjesh, bashkë me një grup të organizuar kriminal.

Grupi kriminal ku akuzohet se bën pjesë edhe Rezo Lotkinsky është i akuzuar për trafik droge, mashtrim si dhe grabitje me armë. Sipas medieve ruse, janë dokumentuar mbi 21 raste grabitjesh me disa viktima.

Rezo Lotkinsky dyshohet se fshihet në Shqipëri, pasi ka nënshtetësi shqiptare. Autoritetet ruse e kanë shpallur në kërkim dhe nëse do të kapet rrezikon mbi 15 vite burg. Burimi;Shqiptarja.com