Një ngjarje tronditëse ka ndodhur në Roskovec. Dy elektriçistë kanë ndërruar jetë pasi ka rënë shtylla ku ata ishin duke punuar.
Bëhet me dije se dy elektriçistët që kanë humbur jetën janë Gjergji Duka dhe Bashkim Saliasi.
Sa u përket kushteve të punës, mbetet ende në pikëpyetje.
Në vendin e ngjarjes ka mbërritur policia e cila po punon për zbardhjen e rrethanave të ngjarjes së ndodhur në fshatin Jagodinë.
Njoftimi i policisë:
Sot rreth orës 10:30, në fshatin Jagodinë, Roskovec, te nënstacioni elektrik, ka rënë një shtyllë elektrike e tensionit të lartë, dhe për pasojë janë dëmtuar dy punonjës të elektrikut (OST) të cilët ishin duke punuar.
Si pasojë e dëmtimeve të mara, kanë ndërruar jetë të dy punonjësit, shtetasit Gj. D., 50 vjeç, banues në Kuçovë dhe B. S., 64 vjeç, banues në Mallakastër.
Grupi hetimor po punon për zbardhjen e rrethanave të ngjarjes.