I veshur me kostum dhe thikë në dorë/ Shqiptari vret të dashurin e ish-gruas, ecën i qetë me duart me gjak (VIDEO)

Një shqiptar nga Kosova, me inicialet B. A., me banim në Belgjikë, dyshohet se ka vrarë të dashurin e ish-bashkëshortes së tij.

Vrasja u shënua ditën e hënë në qytetin belg Deurne, në afërsi të një shkolle ku gruaja me të dashurin kishte shkuar për të marrë fëmijët e saj.

Dëshmitarë të ngjarjes ishin edhe fëmijët.

Viktima është identifikuar si 52-vjeçari Ismet Osmanay, dhe ai u godit me mjet të prehtë.

“Viktima vdiq në vend”, tha policia e Antëerpenit, shkruajnë mediat.

Pas sulmit, shumë prindër që ishin pranë shkollës tentuan t’i japin ndihmën e parë viktimës së goditur në qafë, por ishte e kotë.

Dëshmitarët në vendin e ngjarjes thanë se vrasësi u largua i qetë nga vendi i ngjarjes.

“Me gjakun që i pikonte nga duart, ai qetësisht kaloi aty pranë. Nuk u shqetësua dhe vazhdoi të ecte”, tha një dëshmitar.

Pak kohë pas vrasjes, policia belge mundësoi arrestimin e të dyshuarin.

“Tani jemi duke u përpjekur të zbulojmë se çfarë ka ndodhur saktësisht në bazë të intervistave të dëshmitarëve”, tha ëouter Bruyns, zëdhënës i policisë për Antwerpen.