LIGJET E BIZNESIT
Kreu i Komisionit Zgjedhor në PD, Jemin Gjana, ka reaguar pas publikimit të disa fotove të votës për Lulzim Bashën në rrjetet sociale. Gjana tha se ato nuk janë fotografuar brenda qendrës së votimit, por janë fletë votimi që njerëz të ndryshëm i kanë plotësua dhe postuar me dëshirën e tyre.
“E kam konstatuar këtë në dy raste nuk janë vota, por fletë votimi që është publikuar dhe njerëzit kanë bërë shënim dhe e fusin në rrjetet e tyre që nxisin individë për të motivuar votimin e një kandidati apo tjetër, por foto të fotografuar brenda qendrës së votimit”, tha Gjana.
Gjana iu përgjigj dhe Bujar Nishanit, i cili e konsideroi ditën e sotme një maskaradë, duke thënë se me shumë mundësi po e ngatërronte me datën 25 Prill. Kreu i Komisionit u ndal dhe te pretendimet e Shehajt dhe ato për pfotografimit e votës.
“Deri në orën 1 kanë votuar 23, 536 anëtarë të PD, ose e thënë ndryshe 31.1%.
Mos e ka ngatërruar me 25 Prillin ndoshta, mund tiu them që vetëm në 3 orët e paradites, kemi ndërruar për llogari të kandidatit Shehaj tre komisionerë.
Se kanë probleme me individët që i çojnë për përfaqësim është puna e tyre, më vjen keq që e kthejnë në një lojë politike.
Fotoja e fletës së votimit nuk është brenda qendrës së votimit”, u shpreh Gjana.
