Aksident në Fushë Krujë, plagosen anëtarët e një familjeje, mes tyre edhe një foshnje

Një aksident ka ndodhur këtë paradite në aksin Fushë Krujë-Tiranë, në afërsi të Larushkut, ku  tre makina, një “Benz”, një “Opel” dhe një “Fuoristradë” janë përplasur me njëra-tjetrën, ku për pasojë janë plagosur shtetasit M. Doçi (femër), E. Doçi dhe E. Doçi, të cilët udhëtonin në mjetin tip “Opel”.

Gjithashtu, janë plagosur edhe dy gra që ishin në mjetin “Benz”, V. dhe A. Hajdini. Mes të plagosurve është edhe një foshnje 10 muajshe (E. Doçi). Të gjithë të plagosurit janë dërguar me urgjencë te Trauma dhe nuk dihet gjendja e tyre shëndetësore.

Shkak i aksidentit ka qenë shpejtësia e madhe, me të cilën udhëtonte mjeti tip “Benz”, duke bërë që ai të godasë nga pas mjetin “Opel”, ku udhëtonte familja Doçi.

Sipas dëshmitarëve, raporton “BalkanWeb”, njëra nga gratë e plagosura ka ndenjur e shtrirë për më shumë se gjysmë ore, duke pritur ambulancën nga Kruja, pasi Fushë Kruja ka vetëm një autoambulancë, e cila ka dërguar te Trauma foshnjën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern