Skënder Gjinushi është kandidati i vetëm në garën për kryetar në Akademinë e Shkencave.
Deri tani ai ka drejtuar dhe grupin e punës për të reformuar Akademinë e Shkencave.
Pas 30 vitesh pjesëmarrje në politikë dhe si kreu i partisë Social Demokrate, ai ka vendosur të tërhiqet duke u bërë një akademik i pavarur.
Lidhur me këtë fakt, profesori, filozofi dhe akademiku Artan Fuga e ka ironizuar Gjinushin, duke thënë se ai ka 12 vjet që shkel ligjin si anëtar akademie dhe njëkohësisht kryetar partie, por vetëm 3 ditë para zgjedhjeve ai ka vendosur ta respektojë.
Me datë 24 maj do të mbahen zgjedhjet e reja për drejtuesit e këtij institucioni, ndërsa mbledhja e Asamblesë do të nisë në orën 10 paradite.
SHKRIMI I PLOTE I ARTAN FUGES
‘Ngriva shkriva
“Kandidati pa rivalë për kryetar i Akademisë së Shkencave paska shpallur sot se pas tridhjetë vjetësh në politikë ai nuk qenka më politikan, por është bërë akademik i pavarur.
Krejt i pavarur! Brenda një minute! Tre ditë para zgjedhjeve! Ka ngrirë të gjitha funksionet politike! Të zënë në grackë nga vetja e tyre kanë filluar të luajnë ngriva – shkriva! Vërtet për t’u shkrirë së qeshuri!
Ka 12 vjet që shkel ligjin duke qenë dhe anëtar akademie dhe kryetar partie dhe tre ditë para se të vetëshpallet kryetar vendos t’a respektojë atë!”
